Pedaqoji şuranın növbəti iclası keçirildi.
16.02.2024
16 fevral 2024-cü il tarixində Respublika fizika-riyaziyyat və informatika təmayüllü liseydə tədris ilinin birinci yarımilinin yekunlarına dair Pedaqoji şuranın növbəti iclası keçirildi. İclasın gündəliyinə aşağıdakı məslələr daxil idi:
Birinci yarımilin yekunu və ikinci yarımildə qarşıda duran vəzifələr;
I yarımilin sonunda liseyin rəhbərliyi tərəfindən aparılmış BSQ-lərin nəticələri barədə;
VII-XI siniflərdə fənlərin tədrisinin mövcud vəziyyəti və (Azərbaycan dili, riyaziyyat, fizika, coğrafiya, tarix, kimya, biologiya, xarici dil fənləri üzrə) aparılan test yoxlamasının nəticəsi;
Buraxılış siniflərində (IX,XI siniflər) buraxılış imtahanlarına uyğun fənlərin (Azərbaycan dili, riyaziyyat, Xarici dil) tədrisi vəziyyətini öyrənmək üçün aparılan yoxlamaların nəticəsi;
Fənn olimpiadalarına hazırlığın vəziyyəti;
Valideyn komitəsinin işi. Məktəb-valideyn münasibətləri barədə;
Məktəbəqədər və Ümumi təhsil üzrə Dövlət Agentliyindən daxil olmuş məktubda göstərilmiş məslələr barədə.
Hesabatlar dinlənildikdən və çıxışlardan sonra yuxarıda qoyulan məsələlərlə yanaşı, liseydə təhlükəsizliyin təminatı və sağlam mənəvi-psixoloji mühitin qorunmasının diqqətdə saxlanması xüsusi vurğulandı.