Liseymizdə şagirdlər Novruz bayramı ilə əlaqədar hazırlıq işləri görmüşdülər
13.03.2017
Bəşəriyyətin ən qədim şənliklərindən, mərasimlərindən biri də məhz Novruz bayramıdır. Xalqımızın bu günə qədər yaşatdığı, qoruyub gələcək nəsillərə ötürdüyü, müqəddəsləşdirdiyi bu bayram özündə dünyanın yaranma və yaşam sirlərindən tutmuş, gələcəyə, xoşbəxtliyə, bolluğa ümidini əks etdirir. Novruz yeni gün, yeni həyat mənasını daşımaqla həm də azərbaycanlıların yeni ilidir. Çünki məhz Novruzda həyat yenidən canlanır, torpaq qış yuxusundan oyanır, bitkilər baş qaldırır, ağaclar çiçəklənir, günəş istisi artır, gecə ilə gündüz bərabərləşir və beləliklə də yeni həyat başlayır. Novruzun gəlişi ilə evlərə, ailələrə yeni büsat, şadlıq və sevinc gətirir. Hamı çalışır ki, bu bayramı yüksək təntənə ilə, ürək sevinci ilə, qəlb fərəhi ilə qarşılasın. Hər evdə, hər ailədə Novruz bayramına əvvəlcədən hazırlıq gedir.
Bizim liseydede şagirdlər Novruz bayramı ilə əlaqədar hazırlıq işləri görmüşdülər.Dəhlizləri Yazın gəlişi ilə əlaqədar olaraq gül-çiçəklə, qaranquşlarla və Novruz adət-ənənələrinə uyğun bəzəmişdirlər.Hər sinif özünəməxsus Novruz xonçaları hazırlayıb bir-birlərini təbrik etdilər.
