XƏBƏRLƏR
Fizika-riyaziyyat və informatika təmayüllü lisey məzunlarının qazandığı uğurlar
04.10.2017
Hər il olduğu kimi bu il də Fizika-riyaziyyat və informatika təmayüllü lisey məzunlarının qazandığı uğurlarla Respublikanın ən öndə gedən təhsil müəssisələri sirasında yer alıb. Belə ki, liseyi bitirən şagirdlərin dördü qızıl medala layiq görülmüş, on bir nəfər şagirdimiz isə tam orta təhsil səviyyəsini fərqlənmə attestatları ilə bitirmişdir. Məzunlarımızın daxil olduqları ali məktəblər də reytinq cədvəlində öndə qərarlaşan təhsil ocaqlarıdır. Tədris ilinin təzəcə başlanmasına baxmayaraq, artıq həmin ali təhsil müəssisələrindən məzunlarımızın xoş sədaları gəlməkdədir. Rektorlar tərəfindən Liseyin rəhbərliyinə təşəkkür məktublarının ünvanlanması da bunu sübut edir.