Fizika-Riyaziyyat və İnformatika Təmayüllü liseyin təşkilatçılığı ilə X sinflər üçün “Ən qədim sivilizasiyaların texnologiyaları” adlı təlim təşkil olundu. Təbiət Elmləri İctimai Birliyinin üzvləri tərəfindən keçirilən təlimdə qədim sivilizasiyaların sahib olduğu müxtəlif texnologiyalar, bəşər tarixinin ilk dövrlərində yaşayan insanların sənətkarlıq qabiliyyətləri, astronomiya, tibb elmi sahələrindəki biliklərindən danışılıb. Qobustan qayaüstü təsvirləri və Ağdam ərazisindən tapılmış trepanasiya kəllə sümükləri haqqında ətraflı məlumatlar verilib. Təlim şagirdlər tərəfindən maraqla qarşılandı.