V Beynəlxalq Meqapolislər Olimpiadasının riyaziyyat üzrə qalibləri - Cəfərzadə Amin Anar oğlu və Abbasov Toğrul Namiq oğlu
23.12.2020
16-22 dekabr 2020-ci il tarixləri arasında onlayn şəkildə V Beynəlxalq Meqapolislər Olimpiadası keçirildi. Qeyd edək ki, dünyanın 31 ölkəsindən şagirdlərin qoşulduğu bu yarışmanın təşkilatı mərkəzi Moskva şəhəri idi. Yarışma fizika, kimya, riyaziyyat, informatika fənləri üzrə təşkil edilmişdi.
Bu beynəlxalq olimpiadaya qatılan Azərbaycan komandasında yer alan iki şagirdimiz: Cəfərzadə Amin Anar oğlu və Abbasov Toğrul Namiq oğlu uğurla çıxış edərək, riyaziyyat fənni üzrə gümüş medala layiq görülüblər.
Hər iki şagird Fizika, riyaziyyat və informatika təmayüllü Respublika liseyinin Xc sinifndə təhsil alırlar.
Liseyin kollektivi adından şagirdlərimizi və onların uğur əldə etməyində əməyi olan hər kəsi təbrik edir, can sağlığı, yeni-yeni uğurlar arzulayırıq!
