Fizika, riyaziyyat və informatika təmayüllü Respublika liseyi üzrə RFO qalibləri – 39 medal
12.06.2021
Respublika Fənn Olimpiadalarının nəticələrinə əsasən, Fizika, riyaziyyat və informatika təmayüllü Respublika liseyinin şagirdləri 7-si qızıl, 11-i gümüş, 21-i bürünc olmaqla, ümumilikdə 39 medal qazanıblar.
Qeyd edək ki, iki şagirdimiz: Cəfərzadə Amin Anar oğlu və Qarayeva Fidan Mübariz qızı iki fənn üzrə RFO-nun qalibi olublar. Belə ki, liseyin Xc sinif şagirdi Cəfərzadə Amin yuxarı yaş qrupunda riyaziyyat fənni üzrə qızıl, informatika fənni üzrə bürünc, IXb sinif şagirdi Qarayeva Fidan isə aşağı yaş qrupunda riyaziyyat fənni üzrə qızıl, informatika fənni üzrə gümüş medala layiq görülüblər.
Digər qızıl medalçılarımız: Hüseynov Cəlil Hüseyn, Sadıxzadə Sadiq Fətta, Abbasov Toğrul Namiq, Nuriyev Muhammed Hikmət, İsayev Saleh Aydın oğlu Respublika üzrə ən yüksək nəticə göstərmişlər.
Medal qazanmış bütün şagirdlərimizi, onlara əmək sərf etmiş müəllim və valideynləri liseyin rəhbərliyi adından təbrik edir, can sağlığı və daha böyük uğurlar arzulayırıq!
