21 Fevral Beynəlxalq Ana Dili Günüdür
21.02.2023
“İnkişaf etmiş zəngin dil mədəniyyətinə sahib olan xalq əyilməzdir, böyük gələcəyə malikdir. Ona görə də xalqımıza ulu babalardan miras qalan bu ən qiymətli milli sərvəti hər bir Azərbaycan övladı göz bəbəyi kimi qorumalı, daim qayğı ilə əhatə etməlidir” (Ulu öndər Heydər Əliyev)
21 Fevral Beynəlxalq Ana Dili Günü münasibətilə 21.02.2023-cü il tarixində Azərbaycan dili dərsində (müəllim: Xəyalə Mədətli Nadir qızı) VIIIb və VIIIç sinif şagirdləri təqdimat hazırladılar. Dil hər bir millətin maddi və mənəvi irsini qoruyan və inkişaf etdirən ən mühüm vasitədir, buna görə də şagirdlərimiz, ilk növbədə , Ana dili Gününün tarixi barədə məlumat verdilər, daha sonra isə Ana dilinin insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayan əsas vasitə kimi əhəmiyyətindən danışdılar. Şagirdlər ədiblərimizin dil haqqında fikirləri ilə davam etdilər. Xəlil Rza Ulutürkün “Ana dilim”, Tofiq Bayramın “Ana dilim”, Məhəmmədhüseyn Şəhriyarın “Türkün dili”,Bəxtiyar Vahabzadənin “Ana dili” şeiri şagirdlərimizin ifasında səsləndi.