Xocalı soyqırımına həsr edilmiş dərs
23.02.2023
23 Fevral 2023-cü il tarixində Fizika riyaziyyat və informatika təmayüllü liseyin tarix müəllimi Günay Şərifzadə 9e və 9ç sinif şagirdləri ilə birlikdə Xocalı soyqırımının 31-ci ildönümü münasibətilə dərs təşkil etmişdir.
İlk öncə Xocalı şəhidlərinin xatirəsi 1 dəqiqəlik sükutla yad edildi. 9e sinif şagirdləri Xocalı soyqırımının şahidlərindən Əliyeva Mehriban xanımdan müsahibə götürmüşdülər. Həmin müsahibənin videosu dərs zamanı sinifdə nümayiş olundu. Həmçinin şagirdlər hazırladıqları müxtəlif video və slaydları da təqdim etdilər. Eyni zamanda, Xocalı işğalı zamanı əsir düşmüş və sonradan əsirlikdən azad edilmiş Dürdanə Ağayevanın müsahibəsi izlənildi.
Sonda şagirdlər soyqırım haqqında düşüncələrini bölüşdülər.
Onlar qeyd etdilər ki, Xocalıda tapdanılan mənəviyyatımız, qürurumuz 44 günlük müharibədə geri qaytarıldi, Xocalıdan ayaqyalın, məcbur qaçqın düşən uşaqlar illər sonra mərd, cəsur oğullar kimi geri qayıdıb, Qarabağı azərbaycanlıların qanına bulaşmış ermənilərin işğalından azad etdilər.
